Муус устар 16 күнүгэр улууска бастакы народнай библиотека тэриллибитэ 100 сылыгар аналлаах тэрээһиҥҥэ оҕолор, улахан дьон бэрт сэргэх интеллектуальнай оонньууга күрэхтэһэн, кыайыылаахтар анал дипломнарынан, кинигэлэринэн наҕараадаланнылар. "Алгыс" кыраайы үөрэтэр киин салайааччыта О.Н. Павлова чуораанчыктарын коллекцията дьон сэҥээриитин ылла.
Улуустааҕы киин библиотека тиһигин үлэһиттэрэ "Ааҕар балаҕантан саҕыллан куйаар ситимигэр" выставканы, библиотека төрүттэммит историятын "Уран тыл алыба" түмсүү кыттааччылара ааҕар сурунаал форматынан билиһиннэрдилэр. Ыллаан- туойан сэргэх киэһэни нэһилиэк олохтоохторугар бэлэхтээтилэр. Бииргэ үлэлэһэр социальнай партнердарга, бастыҥ ааҕааччыларга махтал суруктар, кинигэлэр туттарылыннылар.