Бүгүн,ыам ыйын 26 күнүгэр Өрөспүүбүлүкэтээҕи "Сила книги", бүтүн Россиятааҕы "Библионочь"  акциялар Өспөх нэһилиэгэр ыытылыннылар! Бу акциялар чэрчилэринэн "Буккроссинг" флешмоб кинигэ долбуура арыллынна,мантан ыла КСК-ҕа "Буккроссинг" диэн суруктаах долбуурга кинигэлээх кэлэҥҥит атастаһыаххытын сөп буолла📚👏 бастакы кинигэлэри Румянцев А.А. ,Румянцева Т.Н. аҕалан уурдуллар👏👏👏  

"Сила книги" акция чэрчитинэн библиотекабыт бэриниилээх ааҕааччыта, Мусьяна Николаевна оскуола оҕолоругар остуоруйа кэпсээтэ.Киһи киһиэхэ өрүүтүн көмөлөһө сылдьыахтааҕын ,киһи сатаабатаҕа  суох диэн оҕолорго тыл этэн түмүктээтэ. "Библионочь" акция чэрчитинэн "Педагог уонна наставничество " туһунан өр сылларга детсад сэбиэдиссэйинэн үлэлээбит  Домотова Светлана Прокопьевна сырдатта,ону сэргэ Өспөх орто оскуолатын дириэктэри иитэр үлэҕэ солбуйааччы, опыттаах педагог, наставник Румянцева Александра Егоровна наставничество туһунан оҕолорго аһаҕас кэпсэтии ыытта.Оҕолор улаатан баран туох  идэни баһылыахтарын баҕаралларынан,хайа эйгэҕэ үлэлиэхтэрин баҕаралларынан ,сорохтор көннөрү баҕа санааларын сиэттэрэн  "Стикер Board" оҥордулар. Тэрээһиммит кыттыылаахтарыгар сертификат туттартаан ,#силакниги хэштегтаах хаартыскаҕа түһэрэн түмүктээтибит! Тэрээһиҥҥэ кыттыбыт бар дьоммутугар,оскуолабыт оҕолоругар барҕа махтал буолуохтун! Аны даҕаны бу курдук көхтөөхтук кыттыаххыт диэн эрэнэбин!