- Информация о материале
- Автор: Super User
Өспөхтөөҕү олохтоох бибилэтиэкэҕэ уонна "Сайдам" култуура уонна спорт киинин киирии өттүн өрөмүөннээһиҥҥэ анаммыт субуотунньуктарбыт Балаҕан ыйын 21 күнүттэн саҕаламмыттарын сэмэйдик биллэрэбит.
Бу күннэргэ нэһилиэкпит култууратын үлэһиттэрэ, олохтоох дьаһалта үлэһиттэрин кытары күүстэрин холбоон, дьиэбит акылаатын, балкаларын, лежкаларын уларытыыга бэлэмнэнии үлэлэрин ситиһиилээхтик ыыттылар. Нэһилиэкпитигэр култуура эйгэтин дьиэтин тупсарыыга бу маннык көхтөөх үлэ ыытылларыттан олус үөрдүбүт
Олохтоох библиотекабыт ис көрүҥэ өссө тупсарыгар, дьоммутугар-сэргэбитигэр сырдык, ыраас, табыгастаах усулуобуйаны тэрийэргэ эбии материальнай көмөҕө наадыйабыт. Бу инниттэн, биир дойдулаахтарбытыгар, , култуурабыт киинин тупсарыыга төһүү күүс буолуоххут диэн эрэллээхпит.
Эһиги хас биирдии кылааккыт, көмөҕүт биһиги уопсай дьыалабыт сайдыытыгар улахан суолталаах буолуоҕа. Түмсэн үлэлээн, биһиги бибилэтиэкэбитин кэлэр көлүөнэҕэ аҕалан, кинигэ, билии эйгэтин өссө сайыннарыахпыт диэн эрэнэбин !
- Информация о материале
- Автор: Super User
- Тэрээһин сыала-соруга
Кэмпириэнсийэ нэһилиэк 1955–1980 сыллардааҕы кэрчик кэминээҕи историятын уонна сайдыытын чинчийиигэ, дьоҥҥо-сэргэҕэ тириэрдиигэ уонна кэлэр көлүөнэҕэ анаан үйэтитиигэ туһуланар.
Соруктар:
- Нэһилиэк историятыгар 1955–1980 сыллардааҕы кэрчик кэм суолтатын быһаарыы;
- Бу кэмҥэ олорон, үлэлээн ааспыт нэһилиэк бастыҥ дьонун олоҕун, үлэтин, дьылҕатын ырытыы;
- Архыып уонна бэчээт матырыйаалларыгар, литератураҕа, ахтыыларга олоҕуран матырыйаалы түмүү, үйэтитии;
- Нэһилиэк тэрилтэлэрин (оскуола, балыыһа, дьаһалта, култуура, спорт) 1955–1980 сыллардааҕы үлэлэрин сырдатыы;
- Научнай уонна практическай өттүнэн бу кэрдиис кэм туһунан санаалары атастаһыы.
- Кэмпириэнсийэ ыытыллар болдьоҕо уонна миэстэтэ
- Болдьоҕо:2026 с. сэтинньи 27 күнэ.
- Ыытыллар миэстэтэ:Олохтоох библиотека.
III. Кэмпириэнсийэ кыттааччылара
Кэмпириэнсийэҕэ нэһилиэк тэрилтэлэрин үлэһиттэрэ кытталлар:
- оскуола (үөрэхтээһин тэрилтэтэ);
- балыыһа (эмтиир тэрилтэ);
- нэһилиэк дьаһалтата;
- култуура уонна спорт тэрилтэтэ
Нэһилиэк дьаһалтата, кыраайы үөрэтээччилэр, тэрилтэлэр, общественнай түмсүүлэр дакылаат матырыйаалын хомуйууга, түмүүгэ үлэлэһэллэр, дакылааты көмүскүүллэр. Кыттыы сэрэбиэй быһыытынан ыытыллар.
- Дакылаат хайысхалара
Дакылаат нэһилиэк 1955–1980 сыллардааҕы кэрчик кэмҥэ олоҕун-дьаһаҕын сырдатар хайысхаларга оҥоһуллар:
- Олох-дьаһах укулаата төрдүттэн уларыйыыта(олохтоох Сэбиэттэр оруоллара, оскуолалар, балыыһалар, ааҕар балаҕан тутуллуулара, партийнай, комсомольскай, пионерскай хамсааһыннара);
- Аҕа дойду Улуу сэриитин сылларын кэнниттэн нэһилиэк олоҕо-дьаһаҕа;
- Сэрии кэнниттэн олоҕу чөлүгэр түһэрии, колхозтары бөдөҥсүтүү, саҥа тииптээх аныгы бөһүөлэктэри тутуу;
- Тыа сиригэр олох тэтимнээхтик сайдыытын холобурдара;
- Нэһилиэккэ ыытыллыбыт бөдөҥ событиелар: өрөспүүбүлүкэ уонна оройуон таһымнаах тэрээһиннэр;
- Нэһилиэк бастыҥ, биллиилээх дьонноро: орденнаахтар, салайааччылар, Саха АССР, РСФСР, ССРС Үрдүкү Сэбиэтин дьокутааттара, бөдөҥ сэбиэскэй-партийнай салайааччылар;
- Нэһилиэккэ ыытыллыбыт улахан тутуулар;
- Нэһилиэк тэрилтэлэрин историялара:
- оскуола сайдыыта, үөрэхтээһин;
- балыыһа үлэтэ, доруобуйа харыстабыла;
- дьаһалта, олохтоох Сэбиэт үлэтэ;
- култуура тэрилтэлэрин (библиотека, клуб) олоххо киириилэрэ;
- спорт сайдыыта, спортсменнар ситиһиилэрэ.
- Дакылааты оҥорууга ирдэбиллэр
- Дакылаат темата кэмпириэнсийэ хайысхаларыгар сөп түбэһиэхтээх;
- Сахалыы тылынансуруллар, сахалыы тылынан көмүскүүллэр;
- Дакылаат иэнэ — А4 форматынан Times New Roman 14 шрифынан суруллар;
- Туһаныллыбыт литература, архыып докумуоннара библиографическай испииһэк быһыытынан киирэрэ ирдэнэр;
- Дакылаат электроннай уонна бэчээттэммит көрүҥүнэн дьүүллүүр сүбэҕэ туттарыллар;
- Дакылаат уонна туһаныллыбыт матырыйааллар кииннэммит библиотека тиһигин пуондатыгар киирэллэр;
- Дакылааты бэлэмнээһин болдьоҕо:балаҕан ыйын 26 күнүттэн — сэтинньи ый 27 күнүгэр диэри.
- Сыаналыыр ирдэбиллэр
- Теманы сиһилии арыйыы;
- Архыып матырыйаалларын туһаныы;
- Сэдэх докумуону, хаартысканы туһаныы;
- Урукку өттүгэр сырдатыллыбатах история чахчытын булуу;
- Медиапрезентацияны туһаныы;
- Дакылаатчыт матырыйаалы дьоҥҥо тиийимтиэ гына тиэрдиитин хааччыйыыта;
- Регламены тутуһуу (10 мүнүүтэ).
Хас биирдии ирдэбил 5 баалынан сыаналанар.
VII. Кэмпириэнсийэ түмүгэ
- Түмүк сыанабыл кыттааччылар орто баалларынан тахсар.
- Бастыҥ дакылааттар дьүүллүүр сүбэнэн бэлиэтэнэллэр, туоһу уонна Махтал суруктар туттарыллаллар.
- Информация о материале
- Автор: Super User
- Информация о материале
- Автор: Super User
Кыайыы күнэ — биһиги историябыт саамай дьоллоох, ол эрэн ыар өйдөбүллээх күнэ. Бу күн сэриигэ өлбүт буойуннарбытын ахтарбыт, тыылга үлэлээбит, сэриини тулуйбут дьоммутунан киэн туттарбыт күүһүрэр. Өспөх библиотеката бу күн улуу суолтатын нэһилиэк дьонугар-сэргэтигэр тиэрдэргэ дьулуста.
«Кыайыы туһугар барыта!» — Ааҕааччыга тиэрдиллибит история кэрэһиттэрэ
Библиотека сүрүн тэрээһиннэринэн буойуннарбытын, тыыл дьонун хорсун быһыытын үйэтитэр кинигэ быыстапката буолла. Үс сүрүн хайысханан араарыллан тэриллибит быыстапкаҕа кинигэлэр, докумуоннар уонна хаартыскалар көрдөрүлүннүлэр:
1) «Якутия: все для победы»
2) «Буойун суруйааччылар»
3) «Якутяне – Герои Советского Союза»
Бу күн Кыайыы күнүн бэлиэтиир бырааһынньыктааҕы концерт буолла, патриотическай ырыалары толорон, дьон сүргэтин көтөхтүлэр.Итиэннэ Иннокентий Артамонов "Кыайыы салюта" хоһоону күргүөмүнэн ааҕыы тэрилиннэ. Хоһоон куонкураһа буолла, кыайыылаахтарынан алын кылаастарга Айдар Дьячковский, орто сүһүөхтэргэ сайаана Горохова. Кыттааччылар бэйэлэрин айбыт хоһоонноро сэрии ыар кэмин, Кыайыы улуутун өссө төгүл кэрэһилээтилэр."Айар" кинигэ киинэ таһаарбыт биллэрэр-көрдөрөр историческай лотуота Өспөх библиотекатыгар бастакытын оонньонно, тэрээһиҥҥэ кэлбит кыттааччылар элбэҕи билэн-көрен сэҥээрэн тарҕастылар. Бу тэрээһиннэр Кыайыы күнүн сүрүн суолтатын дьоҥҥо-сэргэҕэ өссө дириҥник тиэртилэр. Ол курдук, маннык тэрээһиннэр кэлэр көлүөнэҕэ дойдуга тапталы, патриотизмы иитиигэ улахан суолталаахтар. Улуу Кыайыыбыт аата-суола хаһан да умнуллубатын!
Подкатегории
Страница 1 из 21
