Саха норуотун саргытын салайсыбыт Олоҥхо Декадатын тэрээһиннэрэ үтүө үөрүүбүтүн үксэттэ, сырдык санаабытын сырдатта.

1. Олоҥхо ыллыктарынан айан

"Олоҥхо ыллыктарынан айан" диэн ааттаах остуол оонньуута дьону-сэргэни олоҥхо алыптаах эйгэтигэр ыҥырда. Киһи аймах кэлэр кэскилин кэҥэтэр, өйүн-санаатын байытар, олоҥхону өссө чугастык билэр, таптыыр интэриэһи үөскэттэ.

2. Библиотечнай уруок уонна олоҥхо тула кэпсэтии

Библиотечнай уруок уонна олоҥхо тула кэпсэтии тэрээһиннэргэ  окуола оҕолоругар олоҥхо эйгэтин  билиһиннэрдибит. Библиотекаҕа мустубут оҕолорго,  олоҥхо туһунан быһаарыылар, кини историята, суолтата, уонна Өспөх оскуолатын кыһыл көмүс мэтээлинэн бүтэрбит АГИКИ устудьуона, Олоҥхо батл күрэскэ Кэрэмэс Олоҥхоһут анал ааты ылбыт  Полина Горохова уус-уран тылын кэрэтэ кэпсэннэ, видеорепортаж көһүннэ. Олоҥхону ааҕыы, истэн үөрэнии кэлэр кэскилбит биир сүрүн чааһа буоларын тоһоҕолоото.

3. Олоҥхо дьыктаана

Олоҥхо тылын баайын, уус-уран суруйуутун тургутар соруктаах "Олоҥхо дьыктаана" буолан ааста. Сахалыы суруйууну, олоҥхо тылын таба туттууну, этии тутулун өйдүүргэ анаммыт бу тэрээһин дьон төрүт тылга сыһыанын күүһүртэ. Дьыктаан кэмигэр олоҥхо тылларын суруйар киһи өйө-санаата ырааһыран, олоҥхо алыптаах эйгэтигэр умсугуйар буолла.

4. Уруһуй күрэҕэ

Олоҥхо уус-уран уобараһын ойуулаан-дьүһүннээн көрдөрөр Уруһуй күрэҕэ ыытылла турар,  бу күрэх олоҥхону көрөн-истэн эрэ буолбакка, айылгынан, дууһанан ылынарга, кини уус-уран өттүн сайыннарарга улахан оруолу оонньуур. Куонкурус түмүгэ субуотаҕа буолар тэрээһиҥҥэ тахсар.

Түмүккэ эттэххэ, Олоҥхо Декадата Саха норуотун духуобунаһын, төрүт култууратын, тылын кэлэр кэскилин хааччыйыыга улахан суолталаах. Үтүмэн элбэх дьону түмэр, олоҥхо алыптаах эйгэтигэр чугаһатар, кини улуу күүһүн билиһиннэрэр.