- Информация о материале
- Автор: Super User
Бу алтынньы ыйдааҕы оонньууга кыттааччыларга ол эбэтэр хамаандаларга сахалыы киинэлэр диэн темаҕа буолар диэн биллэриллибитэ
ол курдук оонньууга наадалаах сайтары манны сыһыарабын
1. НВК-Саха
3. Артыыстар
5. Киинэлэр
6. Режиссердар
Спецоонньуубут боппуруостарыгар Саха киинэтин артыыстарын таайыы буолар !
- Информация о материале
- Автор: Super User
Нэһилиэкпитигэр Аҕам саастахтар декадаларын түмүктүүр тэрээһин алтынньы 10 күнүгэр буолан ааста.
Тэрээһиммитигэр үөрүү-көтүү аргыстаһан ааста. 🎉.
Бу күн "Эдэр сааһы эргитэн" диэн олус интэриэһинэй, умнуллубат быыстапка турда. Бу быыстапкаҕа эдэр саас кэрэ түгэннэрэ, умнуллубат сыллар уонна киһи олоҕун кэскилэ арылынна. Быыстапкаҕа мал-сал, атрибут аҕалан быыстапканы киэргэппит күндү дьоммутугар барҕа махталбытын тиэрдэбит.
Кэрэ киэһэбитин өссө киэргэтэн, истиҥ куоластаах ырыалар ылланнылар, дууһабытын долгуттулар. 🎶.
Онтон күлүү-үөрүү аргыстаах оонньуулары оонньоотубут, бары бииргэ сэргэхтик, бэһиэлэйдик кэммитин атаардыбыт! 😄.
Күндү аҕам саастаахтарбыт!
Эһигини ис сүрэхпититтэн итиитик-истиҥник эҕэрдэлиибит! 🎉 Бу кэм – эһиги олоххут, үлэҕит, муудараскыт, уопуккут уонна оҕолоргутугар, сиэннэргитигэр бэлэхтээбит тапталгыт иһин дириҥник сүгүрүйэр, махтана саныыр кэммит.
Эһиги – биһиги олохпут олуга, кэскилбит бигэтэ. Ааспыт ыарахан да, үөрүүлээх да сыллар нөҥүө, эһиги биһиэхэ дьиҥнээх олох сыанатын көрдөрбүккүт, тулуурдаах буоларга, үтүөҕэ-кэрэҕэ дьулуһарга, таптыырга үөрэппиккит. Хас биирдии эһиги олоххут кэпсээнэ – кэлэр көлүөнэлэргэ умнуллубат муударас уонна холобур буолар. ✨.
Эһиги сүбэҕит биһиэхэ мэлдьитин сырдык суолбутун ыйар, санаабытын бөҕөргөтөр.Махтал эһиэхэ!
Эһиэхэ элбэх сылаас, истиҥ тыллары, чугас дьоҥҥут тапталын уонна болҕомтотун баҕарабыт. Чэгиэн доруобуйаны, уһун үйэни, эйэлээх олоҕу, сырдык санааны уонна дууһаҕытыгар мэлдьитин дьолу! ☀️.
Үөрүүгүт үксээтин, олоххут уһаатын!.
- Информация о материале
- Автор: Super User
Бүтүн Арассыыйатааҕы библиотека күнүнэн үгэскэ кубулуйбут #силакниги сэттис сылын ыытыллар Республиканскай акцияҕа уһуйаан иитиллээччилэрэ ыалдьыттаатылар, оҕолорго остуоруйалары Гоголева Людмила Ивановна уонна Румянцев Николай Альбертович кэпсээтилэр. Акция сыала-соруга ааҕыыны өрө тутуу, общественность уонна СМИ болҕомтолорун тардыы буолар.
- Информация о материале
- Автор: Super User
Улуу кыайыы 80 сыла, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын чэрчитинэн Өспөхтөөҕү библиотека сыл устата ыытыллар "Кубок знатоков наслега" интеллектуальнай квиз-оонньуутун иккис түһүмэҕэ түмүктэннэ, нэһилиэк иһиттэн уопсайа түөртүү киһилээх алта хамаанда оонньуу сылдьар
"Победа"-100 балл, "Өркөн Өй", "Вечные пионеры"-90-нуу балл, "Патриоты"-70 балл, "САМИ"-50 балл, "Чертова Дюжина"-10 балл.
Үһүс түһүмэх ыам ыйыгар оонньонор темата Саха Сирэ Аҕа дойду сэриитигэр , сүрүннээн Саха сирэ уопсайынан, Уус Алдан, Өспөх историятыттан ыйытыктар баар буолуохтара.
Подкатегории
Страница 3 из 21
