Клара Федоровна Слепцова. Улуу Кыайыы - YouTube

Бүгүн, Бэрт – Ууһун нэһилиэгин бочуоттаах олохтооҕо, РФ культуратын үтүөлээх үлэһитэ, ССРС культуратын туйгуна Слепцова Клара Федоровна төрөөбүт күнэ.
Клара Федоровна Бэрт – Ууһун библиотекатыгар 1974 сыллаахтан үлэлээбитэ. 2001 сылтан саҥа библиотека дьиэтэ норуот күүһүнэн тутуллан 2003 сыллаахха үлэҕэ киирбитэ . 2010 сылтан библиотека республикатааҕы модельнай статуһу сүгэр. Нэһилиэк историятын киинэ буолар.
Кини бастакы үлэлээбит сылыттан нэһилиэк чулуу үлэһит дьонун, сэрии ветераннарын туһунан матырыйаалы мунньан, хомуйан анал « Үлэ уонна Бойобуой Албан Аат » хоһун үлэлэппитэ. Элбэх хаартыскалары, ахтыылары, араас литератураны, альбому мунньубута. Үгүс сыл устата Клара Федоровна кэтэхтэн үөрэнэр студеннарга методическай көмөнү оҥорбута.Бэйэтин идэтигэр уһуйан нэһилиэктэн 7 киһи библиотекарь идэтин талбыта.
Клара Федоровна « Сайдыым – үүнүүм кыһата, билиим көрүүм биһигэ», « Сырдыгынан сыдьаайбыт олох», « Бэрт – Ууһун нэһилиэгин Сыырдаах участковай балыыһатын 50 сыла» брошюраны, « Н.П. Олесов бирииһигэр футболга турнир», « Уус – Алдан улууһун Сыырдаах орто оскуолатын 50 сыла » буклеты, « Саха киэн туттар дьоно» серия5а « Ирина Дмитриевна Олесова» кинигэни хомуйан оҥорбута.
Клара Федоровна өр сыллаах айымньылаах үлэтэ үрдүктүк сыаналанан 1989с. « ССРС культуратын туйгуна», 2007с. « РФ культуратын үтүөлээх үлэһитэ», 2003с. « Бэрт – Ууһун нэһилиэгин ытык олохтооҕо » ааттар иҥэриллибиттэрэ.