Бүгүн, балаҕан ыйын 17 күнүгэр, Өспөхтөөҕү нэһилиэк библиотеката оскуола кыракый иитиллээччилэригэр,алын кылаас оҕолоругар, Саха Республикатын народнай суруйааччыта,прозаик уонна драматург, Социалистическай үлэ геройа, РСФСР үтүөлээх үлэһитэ-Дмитрий Кононович Сивцев-Суорун Омоллоон төрөөбүтэ 117 сылыгар аналлаах библиотечнай урок ыытта. Оскуолабыт кыракый иитиллээччилэрэ суруйааччы тус олоҕун, айымньыларын кытары билистилэр, билиилэрин хаҥаттылар. Суорун Омоллоон оҕолорго аналлаах айымньыларын, остуоруйаларын «хайаан да ааҕыам»-диэн тылларын биэрэн түмүктээтилэр.
